Aihbab ki khidmat may aik nazm paish hai..........sabab-e-tehreer nahi maloom iska bus yunhi likhi gayi............umeed hai pasand aaye gi.

Koi to ishara ho
Yaadon se teri janaan
Kaisey bhi kinara ho
Thakney lagey hain paaon meray
Naseeb may ab nahi
Koi bhi chhaon meray

Kab talak iss dasht-e-yaad may
Chalta rahon mai
Yunhi shaam-o-sehar jalta rahon mai
Nashter guzrey lamhon key
Sehta rahon mai

Nikal sakon mai iss koocha-e-aatish se
Aisa meray Moula
Koi gaeib se ishara ho
Zindaan-e-muhabbat se
Rehai ka koi istaara ho